മലയാള സിനിമ "ഇംഗ്ളീഷ്‌ " സംസാരിച്ചു തുടങ്ങി-ബാലനിലൂടെ

70 വര്‍ഷങ്ങള്‍ക്കു മുന്പു, ക്രുത്യമായി പറഞ്ഞാല്‍ 1938 ജനുവരി 19ആം തീയതി ബുധനാഴ്ച ബാലന്‍ (Balan)റിലീസായി. കൊച്ചി സെലക്റ്റ്‌ ടാക്കീസില്‍. ഏതൊരു ചലച്ചിത്ര പ്രേമിയോട്‌ ചോദിച്ചാലും ബാലന്‍ എന്ന മലയാള സിനിമയെ പറ്റി അറിയാം. പക്ഷെ അതിന്റെ സ്രുഷ്ടിക്കു പിന്നിലുള്ള കഥകള്‍ എത്ര പേര്‍ക്കറിയാം. തിരുവനന്തപുരം സ്വദേശി ഏ സുന്ദരം പിള്ള എന്ന ആള്‍ ആണു ഈ സംരംഭത്തിനു പിന്നില്‍ ഉണ്ടായിരുന്നതു. അദ്ദേഹം സംവിധാനം ചെയ്യാന്‍ പൊകുന്ന പുതിയ മലയാളം പടത്തിലേക്കു നടീനടന്മാരെ ആവശ്യമുണ്ടു എന്നു ഒരു പത്ര പരസ്യം കൊടുക്കുകയുണ്ടായി. "വിധിയും മിസ്സിസ്‌ നായരും" എന്നായിരുന്നു പടത്തിന്റെ പേരു.തിരഞ്ഞെടുക്ക പെടുന്നവര്‍ ഒരു ഉടംപടിയില്‍ ഒപ്പിടണമായിരുന്നു.അദ്ദേഹം എങ്ങനെയോ സേലത്തെ മോടേണ്‍ തീയെറ്റഷ്സിലെ ടീ ആര്‍ സുന്ദരം എന്ന വ്യക്തിയുമായി ഒരു പരിചയത്തിലായി.

പക്ഷെ നായികയായി തിരഞ്ഞെടുക്കപെട്ട കുഞ്ഞമ്മു എന്ന ത്രിശൂര്‍കാരിയുമായി അദ്ദേഹം പ്രണയത്തില്‍ ആയി. അതു അവസാനം ഒളിച്ചോട്ടത്തില്‍ അവസാനിച്ചു. ഈ ഘട്ടത്തില്‍ പടത്തിന്റെ നിര്‍മ്മാണ ചുമതല ടീ ആര്‍ സുന്ദരം ഏറ്റെടുക്കയുണ്ടായി. അദ്ദേഹം ഈ പടത്തിന്റെ തിരക്കഥയും ഗാനങ്ങളും മുതുകുളം രഘവന്` പിള്ളയെ ഏല്‍പ്പിച്ചു, 25 രൂപക്കു. പടത്തിന്റെ പേരും മാറ്റി, ബാലന്‍ എന്നാക്കി. അങ്ങനെ നേരത്തെ ഉണ്ടാക്കിയ ഉടംപടി അസാധുവായി. സംവിധാന ചുമതല നൊട്ടാനി എന്ന പാര്‍സിയെ ഏല്‍പ്പിച്ചു.അങ്ങനെ ഈ പടത്തിന്റെ ചിത്രീകരണം 1937 ഓഗസ്റ്റ്‌ മാസം 17ആം തീയതി ആരംഭിച്ചു. ആലപ്പി വിന്‍സെന്റ്‌ ആണു ആദ്യ ഡയലോഗ്‌ പറഞ്ഞതു. "Good Luck To Everybody" എന്നായിരുന്നു അതു. എകദേശം 6 മാസം കൊണ്ടു ചിത്രീകരണം പൂര്‍ത്തിയായി. അങ്ങനെ മലയാളത്തിലെ ആദ്യ ശബ്ധ ചലച്ചിത്രം പിറവി കൊണ്ടു.

ബാലന്‍ എന്ന ചലച്ചിത്രത്തെ പറ്റിയും അതിനു പിന്നിലുള്ള സംഭവങ്ങളെ പറ്റിയും വിശദമായി പ്രതിപാദിക്കുന്ന ഒരു പുസ്തകമാണു ആര്‍ ഗോപാലക്രിഷ്ണന്‍ രചിച്ച "Good Luck To Everybody" എന്ന പുസ്തകം, എതൊരു ചലച്ചിത്ര ഗവേഷകന്റെയും, ചലച്ചിത്ര പ്രേമിയുടെ കയ്യിലും ഉണ്ടായിരിക്കേണ്ട ഒന്നാണു.